閒談人生

今次講嘅股王～阿里巴巴，   它首次在香港上市係200711月06日，以$13.5港幣在上市，股票代號係1688，它開盤價去到$30元，較上市價升左122%，其後股價一度飊升到$41元左右，為上市價嘅三倍，贏得香港股王之稱，至2008年中股價已經暴跌78%，跌被$10，10月時低見3個幾港紙，至2012年阿里巴巴作出傷害香港投資者們的決定，以$13.5私有化，此舉實則是保障策略股東雅虎及軟銀集團嘅利益，相隔年幾，阿里巴巴在2014年9月中成功在美國紐約交易所上市，上市價$68美金，創下2010年之後全球最大嘅IPO,金額達到$250億美元，9月19日正式掛牌，開盤價$92美金……。 2019年11月阿里巴巴重返香港股壇，以$176港幣左右上市，其實香港人記憶猶新，對它真係有些戒心，所以股價冇復當年勇，但是自從阿里巴巴開始搞旗下的螞蟻集團上市，市場的憧憬令股價又開車了。 螞蟻集團～2014年阿里巴巴分折旗下支付金融服務，稱為「螞蟻金服」，2020年7月推出區塊鏈品牌「螞蟻鏈」同年7月20日螞蟻集團宣佈將它在香港及上海同步上市，10月26日公佈上市價，上海$68.8人民幣、香港$80港幣，同步上市總融資2300億人民幣，由此螞蟻集團將成為全球最大IPO，投資者大大細細紛紛參與，甚至當時認購係萬人巷，認購相當激烈，街頭街尾都係議論，抽中實賺！認購頭兩日孖展金額已達2110幾億，正當上市前一日內地政府叫停螞蟻集團上市，全城轟動，而當時好多股民都同時在高價買入阿里巴巴9988，股價在螞蟻IPO熱潮上漲至三百蚊以上，結果一棍落嚟，股價從此進入漫長滑落時期，與之前所講嘅股王特性一樣，股價一沉不起，由2020年股價$300跌至2022年10月最低$60，跌幅達到80%，與2007年第一次上市的跌幅不相伯仲，股民係同樣慘敗，歷史不斷重演，善忘的香港人不斷在風雨飄搖中繼續沉迷另一只「股王」的誕生⋯⋯！

講起做運動，早晚的公園各式各樣都有，年紀大嘅做步行運動、早操及體操運動，稍為年輕嘅就選擇跑步，   近年來越來越多加入尼個運動，點解？也不太清楚，我估同「馬拉松賽事」有關，另外互聯網絡世界興起，也帶動一班人有同一興趣加入群組，組織一齊放假去跑步等等，無論如何去做運動都係好嘅，香港人不嘮缺乏運動，大家為兩餐奔波😅😅 講返我每日跑步，觀察到一些人嘅跑姿不太正確，當然我無資格去批評，只係講自己嘅稔法，由於自己工作關係會接觸到一些物理治療中心，了解到大部分來治療的人士都係運動創傷，原因都係姿勢長期唔正確、「假期運員」即係少做運動嘅人、一時興起去做運動等，我有朋友興致勃勃想減肥，之前未試過跑步，佢40多歲，體重180磅左右，有一日見佢時佢話尼排只右腳大髀至髖關節痛，因為佢每晚收工之後去跑步，而且持續1小時，有氣有力😅，但經過一個多月跑步後佢發覺右腳發痛，開始跑唔到了，佢去睇跌打師傅，效果未有改善，之後去做物理治療，治療師話佢髖關節發炎，經過治療後稍有改善，但是建議要暫時停咗跑步，之後我建議他用步行代替運動，另外一個朋友個仔好喜歡打籃球，沉迷NBA,夢想自己能夠成功「入樽」，所以自己買本NBA鍛煉天書，每日照書本的內容跟住做，不斷重複在練彈跳，初初係冇問題嘅，日子耐左就開始感到左膝頭發痛，但是仍然不去理會繼續「練」，直至到連打籃球射波時都覺得痛，而且跳唔起了，結果要去睇醫生做物理治療，初次運動創傷容易解決，可惜好多都係開頭覺得冇嘢唔理會佢，結果重復地受傷令到情況復雜咗及難斷尾了，所以運動係好事，但運動帶來的創傷要正視，舉例：如果你決定要做下運動啦，就要認真的計劃一下，第一做乜類型運動啱自己，第二做之前要學習及了解這類運動的基本知識，例如選擇跑步，如果你好多年或者未試過跑步做運動嘅，就要先從步行開始，咁樣等身體適應左節奏之後，才開始進行跑步，跑步開始時最好緩跑，做運動最重要一環就係「循序漸進」不能過急避免不必要的受傷！待續……。

 上次講過中遠洋，今日係講股王之四～中國人壽(2628)，中人壽與中遠洋差唔多時間來香港上市，中人壽在2003年12月來香港上市的，它前身係中國人民保險公司分拆出嚟專做人壽保險，上市價係$3.59，07年回歸A股以18.8人民幣上市。 03年正值香港經過「沙示」經濟幾低迷，加上97年金融風暴，股市低迷，而樓價普遍在三千蚊左右，租平過供的年代，中人壽上市之後股價冇乜太大突破，平平淡淡，當時的「專家」也冇乜大力吹棒，05年隨著股市開始做好而有所突破，股價開始見$6-7蚊，之後06年港股「憧憬」內地開通港股直通車內地人可以來香港直接買賣股票，當時「專家」們紛紛出來大合奏唱起港股前景無限好，特別是內地人在國內買唔到嘅股票，例如匯豐銀行啊、或者係中資龍頭股冇A股上市的股票，中人壽是其中之一被吹捧如果內地人可以直接買港股的話，佢哋一定會買入的對象，因此股價就被瘋狂搶高了，06年初開始突破十蚊大關，之後股價一路上升，年底已見到$20蚊了，一年唔夠已經升左400%(以5元開始上升來計），07年係港股進入白熱化階段，日日升，街頭巷尾都係股神，中國人壽已經是股民的至愛了，股王身影漸漸呈現眼前，加上「專家」吹笛，話它是中國保險龍頭，唔輸得嘅，甚至坊間將佢神化咗～「有買貴冇買錯」！07年中下旬恆指見過三萬點左右之後展轉回落，「港股直通車」只係是一個「傳聞」，聰明錢早已消消地撤走了，留下散戶們成手「蟹貨」，當年中人壽最高見過53蚊，它也是當年「股王」之一，08年美國次按引發金融海嘯，港股由三萬點左右跌至萬一點左右才止跌，當時它低至18蚊左右，之後它再慢慢的回升，對於後來者買入的才是「股王」殺傷力最大的，中移動如是、中石油如是，因為「專家」的分析，股王基本因素冇變，牛市來臨可以趁機吸納，可長可短，散戶們聽教聽話，因為「股王」代言人深入民心，對其推薦深信不疑，所以中人壽07年確定「股王」地位，之後自然成為股民的第一選擇，尤其係「穩陣投資者」，尼班追隨者大部份都係中年至老年人，經過08年金融海嘯之後中人壽再也去唔到之前的高位，它的漫長下滑趨勢在那時啟動了，經過十五年長期盼望「回到家鄉」嘅忠實擁躉，終於揭曉答案了，「專家」們曾經對中人壽作出評估，$15-$18是個底，這幾年間已經破晒底，最低見過$8左右，又令到粉絲再次心死！總結：時間值係無限，但人的時間值有限！ 以上純粹個人吹水，無任何影射...