閒談人生

講起做運動，早晚的公園各式各樣都有，年紀大嘅做步行運動、早操及體操運動，稍為年輕嘅就選擇跑步，   近年來越來越多加入尼個運動，點解？也不太清楚，我估同「馬拉松賽事」有關，另外互聯網絡世界興起，也帶動一班人有同一興趣加入群組，組織一齊放假去跑步等等，無論如何去做運動都係好嘅，香港人不嘮缺乏運動，大家為兩餐奔波😅😅 講返我每日跑步，觀察到一些人嘅跑姿不太正確，當然我無資格去批評，只係講自己嘅稔法，由於自己工作關係會接觸到一些物理治療中心，了解到大部分來治療的人士都係運動創傷，原因都係姿勢長期唔正確、「假期運員」即係少做運動嘅人、一時興起去做運動等，我有朋友興致勃勃想減肥，之前未試過跑步，佢40多歲，體重180磅左右，有一日見佢時佢話尼排只右腳大髀至髖關節痛，因為佢每晚收工之後去跑步，而且持續1小時，有氣有力😅，但經過一個多月跑步後佢發覺右腳發痛，開始跑唔到了，佢去睇跌打師傅，效果未有改善，之後去做物理治療，治療師話佢髖關節發炎，經過治療後稍有改善，但是建議要暫時停咗跑步，之後我建議他用步行代替運動，另外一個朋友個仔好喜歡打籃球，沉迷NBA,夢想自己能夠成功「入樽」，所以自己買本NBA鍛煉天書，每日照書本的內容跟住做，不斷重複在練彈跳，初初係冇問題嘅，日子耐左就開始感到左膝頭發痛，但是仍然不去理會繼續「練」，直至到連打籃球射波時都覺得痛，而且跳唔起了，結果要去睇醫生做物理治療，初次運動創傷容易解決，可惜好多都係開頭覺得冇嘢唔理會佢，結果重復地受傷令到情況復雜咗及難斷尾了，所以運動係好事，但運動帶來的創傷要正視，舉例：如果你決定要做下運動啦，就要認真的計劃一下，第一做乜類型運動啱自己，第二做之前要學習及了解這類運動的基本知識，例如選擇跑步，如果你好多年或者未試過跑步做運動嘅，就要先從步行開始，咁樣等身體適應左節奏之後，才開始進行跑步，跑步開始時最好緩跑，做運動最重要一環就係「循序漸進」不能過急避免不必要的受傷！待續……。

 上次講過中遠洋，今日係講股王之四～中國人壽(2628)，中人壽與中遠洋差唔多時間來香港上市，中人壽在2003年12月來香港上市的，它前身係中國人民保險公司分拆出嚟專做人壽保險，上市價係$3.59，07年回歸A股以18.8人民幣上市。 03年正值香港經過「沙示」經濟幾低迷，加上97年金融風暴，股市低迷，而樓價普遍在三千蚊左右，租平過供的年代，中人壽上市之後股價冇乜太大突破，平平淡淡，當時的「專家」也冇乜大力吹棒，05年隨著股市開始做好而有所突破，股價開始見$6-7蚊，之後06年港股「憧憬」內地開通港股直通車內地人可以來香港直接買賣股票，當時「專家」們紛紛出來大合奏唱起港股前景無限好，特別是內地人在國內買唔到嘅股票，例如匯豐銀行啊、或者係中資龍頭股冇A股上市的股票，中人壽是其中之一被吹捧如果內地人可以直接買港股的話，佢哋一定會買入的對象，因此股價就被瘋狂搶高了，06年初開始突破十蚊大關，之後股價一路上升，年底已見到$20蚊了，一年唔夠已經升左400%(以5元開始上升來計），07年係港股進入白熱化階段，日日升，街頭巷尾都係股神，中國人壽已經是股民的至愛了，股王身影漸漸呈現眼前，加上「專家」吹笛，話它是中國保險龍頭，唔輸得嘅，甚至坊間將佢神化咗～「有買貴冇買錯」！07年中下旬恆指見過三萬點左右之後展轉回落，「港股直通車」只係是一個「傳聞」，聰明錢早已消消地撤走了，留下散戶們成手「蟹貨」，當年中人壽最高見過53蚊，它也是當年「股王」之一，08年美國次按引發金融海嘯，港股由三萬點左右跌至萬一點左右才止跌，當時它低至18蚊左右，之後它再慢慢的回升，對於後來者買入的才是「股王」殺傷力最大的，中移動如是、中石油如是，因為「專家」的分析，股王基本因素冇變，牛市來臨可以趁機吸納，可長可短，散戶們聽教聽話，因為「股王」代言人深入民心，對其推薦深信不疑，所以中人壽07年確定「股王」地位，之後自然成為股民的第一選擇，尤其係「穩陣投資者」，尼班追隨者大部份都係中年至老年人，經過08年金融海嘯之後中人壽再也去唔到之前的高位，它的漫長下滑趨勢在那時啟動了，經過十五年長期盼望「回到家鄉」嘅忠實擁躉，終於揭曉答案了，「專家」們曾經對中人壽作出評估，$15-$18是個底，這幾年間已經破晒底，最低見過$8左右，又令到粉絲再次心死！總結：時間值係無限，但人的時間值有限！ 以上純粹個人吹水，無任何影射成分，如

 上集講咗股王之二中石油，今次同大家講下股王之三「中國遠洋」(而家改名為中遠海控），何以它也可以稱得上「股王」之三？（ 2005年6月，中國遠洋H股來香港招股，招股定價每股4.25港元，同年6月30日在香港掛牌上市） 2007年，中國遠洋A股招股，招股定價每股8.48元人民幣，同年6月26日掛牌上市 中遠洋上市第二年適逢港股「大牛市」，炒味極濃，加上當時反映航運的波羅的海指數屢創新高，對航運股極有利，股價07年由低位4個幾炒至近24元，一年升幅百分之400幾，升勢極之凌厲，吸引了大批散戶關注，紛紛湧入去，那年它躍升成為「國指股王」，即係國企指數，(當時國企指數係58%左右升幅),從此成為散戶的至愛，成為皆知巷聞的名星股！之後的一兩年它嘅股價降落凡間番返4個幾，再之後嘅幾年股價更從凡間去咗「地獄」咁話，長期2個幾3蚊左右，散戶們又再散晒時，股王終於完成使命，功成身退⋯⋯！ 以上純粹個人稔法，如有雷同實屬巧合😊😊

 上次講過「股王」之一中移動，這次講下「股王」之二「中石油」0857，2000年左右來香港以1個幾上市，當時冇乜特別及名氣，成交量長期低迷，直至到03年4月，突然爆出股神畢菲特入股，而且是他第一只買入中國股票，而聲名大噪！他用平均價個幾買入11億股中國石油股份，持股比例達到6%左右，根據港交所規定需要作出申報而曝光！之後的一個月繼續增持至23億股成為第二大股東，平均成本是1.62港元左右，累計成本大約$4.88美元，畢菲特有句格言：如果不持有一只股票十年就不想買入，但是他持有中石油進入第四年左右就爆出他正在減持，哈哈真係摸不着頭腦，(後來當然知道啦）而且是很「鬼鼠」地進行，點解咁講，如果他要減持，需要文件呈交港交所，為免樹大招風惹人注意，他用航運水路來運送文件過嚟香港，你知啦，船可以幾快喎⋯⋯！結果他用一個月左右時間分七次分批沽所有手中的股票，講返轉頭，其實我2000年左右開始拜讀股神投資法的書，從中得到一些啟發，03年得知他買入中石油，我用簡單的思維，跟他買入冇錯，但分批入平均價都要5個幾，冇股神咁平買。講返重點係中石油點樣成為萬千寵愛在一身的股票繼而成為股王，2007年十月中石油決定回歸A股再上市集資，發行不超過40億股，招股價16蚊人民幣左右，凍結資金3萬幾億，在當年是一時冇兩，想像當年A股港股幾瘋狂，齊齊大合奏唱高股市，A股創咗歷史新高6000點，港股3萬3點左右，中石油確認了回歸A股後，股價創完新高又一個新高，(畢菲特平均價11個幾出貨），這批貨很快市場吸納，股票越沽股價越高，個個散戶都嘲笑「股神」是虛有其名……！當然之後的日子是怎樣的，你自己清楚不過了。中石油當日正式在A股上市股價瘋炒至$48人民幣，比上市價$16多出三倍，市值超過埃克森美孚，變成世界巨企，中石油就此膺任新的「股王」！但當年追捧它散戶們(內地及香港）萬萬想不到，當年追入的時候也是開始被牢牢套住的漫長歲月的開始，至今，中石油的股王價未曾回來見家鄉！

 近期港股狀況大家都知道啦，港股每個年代都有「股王」出現，講返九十年代中國移動來香港上市，當時上市十幾蚊，當時它在中國電訊界別幾乎是壟斷，適逢2千年科網股熱潮，被炒上至七十幾蚊，股王影子就此出現了，之後在07年更炒到最高150幾蚊，在2000年至07年期間，在各路財叔英雄催谷之下，「股王」名字就此成立，而且成功的打動了每個散戶的心，個個視它為寶寶，就此長揸落去……！之後當然故事繼續延續落去，近2000年阿爺通過將它部分網絡分俾另一個電訊商-中國電信，而08年中國電信業重組，成立了中國聯通，形成中國第三電訊商，從此，中移動市場多多少少被其他兩間瓜分左，從此，中移動股價從高峰時期一直滑落，再也上唔到150元之上了，直到現在，它的業務不再突破，還好，它轉型由增長股變咗公用股，每年派高息留住班fans,尼個係唯一的安慰，但是在它是增長股時高位買入的只有在當時止蝕，或是長揸當收息也未常不可，但要肴望它再變成增長股就冇稔啦！ 這次講中移動的變化，在於告誡自己，當時如果係增長型既股票不是永遠的，中間基本因素改變就要當機立斷，不要自己搬龍門，所以入埸前要確認自己的目標再行動也是重要的！

 上次講到我跑步運動是為健康的心態對持續係重要嘅。 搞清楚自己心態之後，今次係講下點樣開始，十分強調，熱身運動係極之重要的，應該視為跑步其中一部分，不能忽視也不能馬虎，這是多年來的經驗，因為如果不是的話，跑兩下就受傷好打擊持續落去的自信心，熱身運動令我減少運動中的扭傷，繼而能夠持久運動，每次熱身都係十五分鐘左右，包括頸部、肩膀、腰背、腿部及手部等(熱身運動可以自己上網搵參考資料，很多的） 開始時一定係辛苦，但是正確嘅心態及良好嘅準備，可以令你堅持落去，直到習慣咗，一個月之後後一定有所回報，運動係人生中一個好重要的投資，如果可以俾你選擇嘅，你一定會選擇當你年紀漸老時候仍然充滿活力及自信，而不是老態龍鍾，挺著大肚腩、周身病而終老！現代人講求健康，但好多好商業，gym房門庭若市，都市人喜歡迫在室內做各種「運動」，鬥快搶氧氣。 講返我每日的運動行程，早上8點左右開始，食咗一碗仔即煮燕麥片，加入堅果及黑芝麻，運動前不能食太多，另外運動前盡量飲多啲水，不能等到口渴才補充會太遲而且消耗更大，之後進行十五分鐘左右的肌肉伸展運動即係熱身運動，開始跑的頭十分鐘路程係緩步跑，之後才加速，當然你自己衡量，每個人身狀況有不同，我每日都堅持跑步五至六日，每日三十分鐘跑步，再加三十分鐘做肌肉舒緩及肌肉鍛鍊，就完成我今日的「投資」啦😄